- 精華
- 0
- 帖子
- 764
- 經驗值
- 4090
- 注冊時間
- 2010-10-3
- 媽幣
- 5357
 
- 帖子
- 764
- 經驗值
- 4090
- 注冊時間
- 2010-10-3
-
♦♦
-
媽媽網輕聊
給生活加點料
-
♦♦
-
媽媽網孕育
就是好用
-
♦♦
-
廣州媽媽網
廣州媽媽網，更懂廣州媽媽
|
本帖最后由 clevergirl0701 于 2012-7-13 22:02 編輯
睇過咁多生產記，今日終于都可以同大家分享翻我自己既生產經驗啦，文字太長，大家希望大家唔好睇到眼花啦
可能因為我屋企系住9樓既關系，整個孕期，每天最少都要爬一次9樓，加上堅持上班，每天落班都要買菜煮飯，所以咁順利吧，有可能的話各位準媽媽都系行多d樓梯比較好。下面同大家分享下系醫院既生產篇同住院篇啦。
（一）生產篇
7月8日既凌晨4點幾，我家小B終于都出來同我地見面啦，提早左8日。本來7月16日既預產期，剛好返工翻到星期五，諗住星期一就開始休產假啦，點知BB咁乖星期日就出來啦，一日都無浪費到我既產假！其實由意外咁有左開始，BB一直都好乖，前期咩妊娠反應都無，而且食得走得！產檢一直都好順利，次次都通過~！雖然期間都有好多辛苦既野，不過BB已經好貼心噶啦。
仲記得星期六晚先同朋友講，唔知BB幾時先發動呢，希望佢唔好浪費我既假期啦，點知半夜佢就自己申請出來啦。
當晚，剛好沖完涼準備上床瞓覺，同平時一樣，都會摸下個肚，睇下BB系度做咩先。當時BB系度打嗝，我仲叫老公都摸下添。大概一點左右，突然感覺到BB用左小小力咁向下面頂左一下，然后就聽到好細聲既“噗”，就感覺到下面有股水流出來....我楞左一下，心諗，唔系破水吧？！隔左幾秒，又一股液體流左出來，跟住我就叫醒我老公啦，話好似破水啊！然后老公就叫我去廁所睇下仲有無水流出來，我馬上去拿塊M斤，然后就去廁所啦。換左M斤后，居然無水流出來啦！兩個人都懵左，究竟系咪破水呢？然后我老公馬上去百度查下，叫我換好衫先（我地兩個都系懶鬼，38W+啦，都完全沒收拾好入院要用既野！）。商量左一下，都系決定先去醫院啦，白行一趟，好過去唔切醫院BB有事啦。呢個時候，大概點半左右吧，我開始覺得好急屎，我老公話，唔好屙住啦，忍下先啦，去到醫院先屙啦！- - !無耐，就感覺到個肚開始發硬啦。于是我地馬上落樓，我地住9樓啊，無電梯，慢慢咁行落去打車，還好屋企離醫院唔遠！
去到醫院急診室，大概2點吧，比個值班護士帶左入去檢查，點知入到去，系個男醫生來陰檢既！！呢個時候，急屎既感覺越來越頻密啦已經，而且個肚硬既間隔越來越短啦....雖然檢查既時候尷尬，又難受，不過仲可以系接收既范圍內。檢查完，個男人就話，你系破水啊，不過未開宮口，入院啦！就咁，我老公就走去幫我辦手續，我就只能瞓系張病床度等人推我上樓。呢個時候大概2點半吧，我仲打電話翻屋企同阿媽講，我破水入院啦，不過應該無咁快生的，聽日再比電話你啦。
比人推到上8樓待產房啦，然后又有個護士來問情況，比醫院衫你自己換，然后又有陰檢，不過呢次個護士比較溫柔，雖然都系有d痛。呢個時候，個護士話，你已經開左3指咯啵，可以直接入產房噶啦~！“嚇？！又話未開指既頭先個醫生？”“3指啦，開快d米好咯，生快d吖嘛！你開左3指，打唔打無痛啊，呢個時候打系最好既”我馬上話“打啊！”因為之前已經有朋友系度生過，而且打左無痛，佢話唔打無痛，真系好難頂的，所以我諗都無諗，就同護士話打啦！跟住問護士，陪產房有無人啊？可唔可以用個陪產房？- -!倒霉，護士話今晚個陪產房已經有人用左啦。頂，呢頭先同老公講好佢肯陪產，點解咁黑仔噶！然后要自己過床，送去大產房！因為入得來急，連老公都未見到，所以只能同護士申請，系門口度同老公講兩句啦....我同老公講左話無得陪產啦，個陪產室有人了，而且已經開左3指啦，要直接入產房了，交待左兩句，就比人送去刑場了~~~
入到去，又挨過一輪屎急（即系宮縮）之后，又要自己過床！市婦幼既大產房入面有3張產床的，然后d護士、助產士、醫生就系度走來走去忙來忙去咁。又挨左一陣宮縮后，個麻醉師終于都到了，幫我打無痛，系脊椎度打針的，我原本以為都好痛下，不過貌似個麻醉師手勢都可以喔，同平時打針差唔多，唔系好痛。打完之后，成個人都松曬咁，宮縮既感覺越來越唔痛啦，頓時舒服左好多！然后我就被涼在床上，等宮縮啦....D工作人員（分唔清邊d系醫生邊d系助產士邊d系護士）依然系度好忙咁行來行去....間中有人過來問下我，講兩句等陣要點用力，然后又走開了。到左大概3點半既時候（咁巖我張床對到正個鐘，所以我一直系度望住d時間），又個工作人員走過來睇左下，然后講，你開曬啦，自己試下用力啦。“嚇？點用力啊？”我仲想講多句，咁快開曬？有無睇錯啊？不過都系唔敢講，費事比工作人員鬧了....
然后佢教左兩三次，就話，你覺得痛既時候就自己試下用力生啦，跟住又走開左....我心諗，你走開左，咁我點生啊@？！跟住我一直望住個鐘，系度諗，我未感覺到好痛喔...咁點生點用力啊，而且而家先3點幾，乜咁快可以生啦咩....跟住仲同BB傾計，BB啊，你確定你而家要出來啦？但系媽咪好似仲未做好心里準備啊...好驚啊，都唔痛，點用力嗟！期間個工作人員走左過來幾次，問，你有好強烈既大便感覺未啊，我話未，然后佢又走開左,頂，唔使咁吧，你成日走開，就算我有，都無用啦！望住個鐘，系度等，究竟幾點BB先出世呢？等左10來分鐘左右，開始覺得有點強烈既便意啦，于是直接叫姑娘，我開始有便意啦~~~終于，都有一個助產士過來理我啦，教多左我次點用力之后，就走左去準備側剪同縫針既工具。我見佢又走開左，于是就叫啦，醫生你唔好行開啦，你行開我唔敢生啦，你唔系度我無安全感啊！跟住落來，當然比個助產士話啦，“我唔行開點幫你準備接生d工具啊！”唉，終于，又等左一陣，呢個時候宮縮感覺都開始強烈啦，助產士都準備好曬d野啦，然后佢會叫你自己用多幾次力，話已經見到BB頭發啦，用左幾輪力之后，助產士就話，我準備幫你剪啦，你聽住指揮用力吧。存氣，用力，感覺到下面比人剪左一下，有點兒痛，不過可以接受，然后感覺到個下面有野出左來，個肚突然成個輕松曬，BB出左來啦！跟住佢叫我再用DD力，然后胎盤都出埋來了。護士呢個時候，會同你報BB的出生時間。
呢個時候，我比人涼左系一邊...助產士同護士都去左處理BB...等左好耐，都未聽到BB既喊聲，只系不斷咁聽到BB比人拍PP既聲音！唔系掛，我生得咁辛苦，點解BB唔識得喊噶？！我開始驚啦~！BB比人拍左兩輪PP，大概1~2分鐘之后，終于，聽到BB既喊聲啦，個心終于都定左落來啦....然后我繼續比人涼左系度，等啊等，等啊等，等左大概10分鐘，終于個助產士過來理我啦，幫我按肚排血同縫針。然后有個工作人員會抱BB過來比你睇下，我見到BB個屎忽度好大篤胎便....個工作人員問，見到咩啊？我記得我仲好大聲咁答佢,“好大篤屎啊~~”當然，梗系又比工作人員話啦“系叫你睇BB男仔定女仔啊！”暈，唔講清楚D....
跟住落來，就到縫針啦，佢話縫三層。縫里面既時候，痛苦還能忍受到，到左縫最外層既時候，哇，好痛！生仔既時候都無痛到叫，但系縫最外層既時候，痛到我又叫又動，于是乎，等到既當然系比人鬧啦！既然唔比叫，咁唯有同個助產士講野，諗住分散下注意力啦，點知，又比個助產士鬧！！！！“做乜你生完之后咁唔合作噶！唔好吵住我啦，唔好同我講野住啦，搞到我分心，縫得唔好對你以后唔好噶咋!" 頂....叫又唔得，郁又唔得，講野又唔得，咁人痛就肯定會縮噶啦，自然反映來噶嘛....忍啊忍，忍啊忍，大概縫左20分鐘，終于，都搞掂曬了，最后縫針既過程，都完了，解放了~~~成個人松曬！瞓系度觀察既時候，望下個鐘，已經凌晨5點啦。呼，原來生BB都好快可以搞掂，又痛開始到BB生左出來，都系3個多小時既時間。BB女4點幾出生，6.5斤，同37周既時候B超測既體重（6.4斤）好接近。
呢個女女，真系貼心啦，呢頭叫佢唔好浪費媽咪產假，呢頭就自己申請出世啦，仲咁快出來同我地見面，等媽咪唔使受咁多苦~~~雖然最后唔肯喊，要媽咪擔心左一下，不過最后都系順順利利咁出世。跟住落來，就系要自己瞓系產房度2個鐘左右，觀察出血情況。好無聊既兩個鐘，睇唔到BB，又唔比拿手機入來，我只能系度同隔離床仲生緊既媽媽打氣，等佢宮縮間隔既時候同佢傾計，唔知有無影響佢休息呢，嘻嘻~~~
大產房D工作人員真系好忙，好多時候都唔得閑理你的。打左無痛，中間過程真系輕松左好多，而且到最后可以生既時候，其實一樣都系可以感受到宮縮既感覺的。事后我老公話，BB出世后一個鐘，D工作人員先出去同佢地報喜的~！
|
|
發表于 2012-7-12 22:19
