wawa_1983

     我8月18剖腹生左只牛仔，依家諗起都覺得比較痛苦。而且中意唱歌的我發現依家唱歌唔夠氣，而且比以前怕凍，即系中氣同血氣同比以前差左好多……而且個肚有個疤，難睇到死……
所以我強烈建議準MM如果可以的話，盡量自己生，因為剖腹太痛苦了。下邊我就分享一下我個人的睇法……

第一，我的大致剖腹流程
手術前先插尿管，跟住去手術室準備。先打半身麻醉（距會問你打唔打鎮痛針，500蚊左右，無得報銷，只能自費），跟住好快就同我做手術啦。手術其實我無咩特別的感覺，好快就聽到BB啊啊叫啦，俾我見左兩眼，講左句“你生左個仔”之后，就抱去產房……醫生跟住縫線，手術完左之后就推我去床位度……
好似其他手術甘樣，無咩特別的……但系，我覺得之后先系痛苦的開始。

第二，生左之后的情況
跟住的六個鐘唔可以動，唔可以飲水同食野，打七支吊針，仲要阿媽大力幫我揉個肚（話系幫助排惡露）……最慘的針系打縮宮素,果種痛實在系痛苦到無法形容……

之后的幾天可以用過關來形容：
第一，一定要打左屁先可以食野，未打之前只能飲粥水，此為一關……（我到第三日先打，食粥水食到好痛苦。因為怕腸套疊，所以一定要打屁先可以食野。如果無屁打就煲瘦肉陳皮水，飲左之后好快打屁的）
第二，第二天嘗試搖高張床坐起來；
第三，第三天拔尿管嘗試下地（如果順產第二天可以落地行走得很好了），自己去廁所。落地真的痛，而且系慢慢一步一步行……而且拉尿的時候真的很不舒服……
第四關，排宿便……（如果屙唔出就叫醫生開D藥，問題不大。不過我之后 的兩三個星期的腸是很受罪）

住院期間，天天都要打吊針，我都已經打到兩只手腫曬，唔打的時候用土豆消腫……
我住院期間一直都覺得很痛苦，一系身體上的痛苦， 二系未落得床時當BB喊到拆天時，自己無力去哄距的心理上的痛苦……依家諗起真系覺得系一場煎熬……

下面講講生之后D做法同注意的地方：我系婦幼醫院生的，生之后的服務感覺比較的好，其他綜合醫院操作同唔同我唔清楚咖，只供參考……

關于BB方面的，醫院每天早上會帶BB沖涼，下午帶BB游水（尼個系所有家長都好歡喜的時刻）。我第四天打完個吊針之后，我自己慢慢行去睇BB游水……可憐的媽媽前兩天只能聽阿媽講BB游水有幾得意，自己無得去睇……

關于我產后護理的，會有以下幾種：
1、漲奶。其實我真系覺得幾辛苦咖，唔知人地點樣啦。有人仲漲到發燒添……我叫左按摸師幫我按摸，打通D乳腺，無甘痛
2、外陰清潔。我住院的幾日都有人清潔外陰噶，早上下午各一次
3、紅外線燈照傷口。
4、中藥包敷肚（應該大部分系艾葉，再加上其他中藥）
5、泡腳。尼個距會問你要唔要，唔系一定要泡的。
6、按摸。打吊針訓到腰好酸，按左之后好舒服

最后，講D我的體會：
關于鎮痛針。大家自己考慮一下要唔要打鎮痛針，我自己無打（因為考慮到個針可能會比較傷身，而且覺得自己應該捱得住），頭兩天的比較痛，特別系頭六個鐘。有人打了還是說很痛，有人打了說不是很痛，但都系痛……
關于傷口。我屋企人買田雞連續8天都煮俾我食，傷口好得快……而且傷口唔會長好多紅色的新肉出來。（聽講有人的傷口長出好多紅色的新肉，難看得不得了。聽我阿媽講果個人可能食左生魚。）
以上系我比較亂地講左一大堆，希望可以對大家有所幫助……

egg11yeah

好好學習了，謝謝！

loveckck

我到依家都唔知道自己要順定開刀.
順就恢復快.開刀就好快生完.但麻醉過咗就好辛苦..

christine_ho

看左你依篇野，真系感慨~~~~~ 真系同道中人啊！如果個B第日唔孝順，真系想捏瓜她，生仔真系拿命搏。
你還好，張床可以搖起坐，我張床是老式，不可以搖起，每天都要起來幾次，條腰好痛，而且無論左訓定右訓傷口和條腰都疼，只能直訓，條腰好麻疼，好似條腰斷了不是自己，同房的那個死撈婆激到我死，大熱天時成日關空調，我整天直訓系床度，后背又疼又熱，后來頂唔順，幾辛苦都鼓起口氣罵她，簡直想收買人命。
你第三天先下床，我做完手術24小時后就撥尿管了，趕我下床，哇，傷口簡直好似撕開甘疼，我從來都沒試過行一步路系甘難噶，腳震震艱難邁開一步。
由于我對麻藥不敏感，打完一次后，還要加量，到手術快結束的時候我就一直迷迷糊糊，到左半夜才慢慢開始清醒，辛苦到連自己個B都沒空看一眼。
我第一晚個鎮疼泵漏了，叫人來整，本來都已經夠辛苦了，個死人麻醉師仲走來罵我不小心碰壞了，豈有此理，真系平野無好野，3百塊錢的東西，甘化學的，可能個麻醉師發緊春夢被人叫醒上來我房整野，所以態度好差，我當時真系好慶。
手術后D護士不定時來按肚，排惡露，半夜都系甘走來按，好不容易睡著了被人搞醒，仲要疼到想死。
由于當時是生仔高峰期，我只能入住三人房，哇，半夜熱鬧了，三個B輪著哭，根本難以入睡，本身都辛苦到死，仲要吵吵閉，當時真系好想時間快D過，出院番屋企。

我唔明白D人講剖腹講到好輕松，怎么我覺得好似死過翻生甘辛苦。

小馬娘親

我都是盡量順產啦。。。

lwjytj

我順產   生完就下地自己去廁所什么的   就是側切有點痛而已

同房的另外一個年輕MM     從產房出來后就像死魚一樣躺在哪  看見都恐怖

拔了尿管她還尿不出    經常由PP和LG兩人扶著去廁所便便   可是又便不出

兩個人的房間    她那一家子人就這樣來回折騰  害我都沒能好好休息

更尷尬的是   他LG晚晚留宿   我跟她LG就隔著一個簾子和蚊帳

更極品的是   他LG帶了手提電腦過來  晚晚兩個看電影  不睡覺

kimfenglau

我系剖嘅，但系系之前已經痛左兩日兩夜都開唔到宮口忍唔到了先要剖，感覺剖腹系俾我解放咯，陣痛真系唔系人受噶！痛到我掂床掂席！
不過我系第二日就起身，第三日就落床了，因為系鄉下D醫院生，我生果日又系高達35℃高溫天氣，果間醫院嘅病房系連空調都冇，你地可以想象下一張床俾汗濕到透曬果種滋味！！
跟住因為我LG唔系身邊，得JP幫我手，所以第四日晚頭我就要起身湊仔喂奶了，腰痛+傷口痛+漲奶痛、、、果種滋味直到宜家我都記憶猶新！！！
所以我決定了，如果仲要翻果個醫院生，我就結扎，打死都唔會再生，話之你家婆都冇面俾！！！

kimfenglau

   

原帖由 lwjytj 于 2009-10-20 00:40 發表
我順產   生完就下地自己去廁所什么的   就是側切有點痛而已

同房的另外一個年輕MM     從產房出來后就像死魚一樣躺在哪  看見都恐怖

拔了尿管她還尿不出    經常由PP和LG兩人扶著去廁所便便   可是又便不出
...

我同你差唔多哦，我LG唔系身邊不但止，隔離床嘅LG卻一日到黑陪系身邊，半夜三更仲要系度傾計，令到我呢個生仔冇LG陪嘅女人幾乎要同我LG離婚！！！

christine_ho

好在我之前聽同學講過，剖腹完第二三天就會漲奶，她就很好心過來幫我按摩，等D乳線通曬，甘先至挨少一重痛。
當時我好辛苦，干脆嗌奶奶喂奶粉算了，等個人無甘辛苦先喂人奶，點知道D奶多到鬼甘，經常漏到個身濕曬，搞到不得不喂人奶，隔離床那個撈婆就幾乎無人奶，每隔二三個小時就被個奶奶嗌起身吸奶，話死羅，無奶來，食奶粉都食窮羅，邊有甘多錢買奶粉啊。換作我系她新抱，真系嬲死了，甘辛苦生個B出來，講D甘難聽的說話。

零塵香

果陣喺點嘅，已經唔記得咯，只喺記得當時痛到我大叫，我再都唔會生第個。
頭幾個月我嘅傷口都埋得好好，冇肉牙。我仲喺度諗，哇，咁好技能嘅，我依D疤痕性體質都冇肉牙生。點知過多幾個月。。。。。。。全部出曬來

wawa_1983

   

原帖由 christine_ho 于 2009-10-20 00:28 發表
看左你依篇野，真系感慨~~~~~ 真系同道中人啊！如果個B第日唔孝順，真系想捏瓜她，生仔真系拿命搏。
你還好，張床可以搖起坐，我張床是老式，不可以搖起，每天都要起來幾次，條腰好痛，而且無論左訓定右訓傷口 ...

反正我自己生完之后，真系俾我生多個我都唔生啦……生完48個鐘未訓過，因為我床們的雙人房巖好要裝修，轉左我去四人房，太吵，空氣太差了……而且傷口實在太痛了……
唉，真系難為我地女人……

乖乖美寶

做媽媽真不容易.

開心小Q

看了這么多MM的產后體會，感覺自己生、剖腹產都一樣痛苦，都很恐懼，到時怎么辦啊

gejin

太辛苦了。謝謝樓主提醒。

wangyoucao1224

前幾日睇左媽網其他媽咪發出的順產和剖產的視頻，一樣都系甘恐怖，我依家怕到死。

管不住的心

好恐怖

rainliang

看來無論順產還是剖腹都甘痛苦。順產就之前陣痛折磨，剖腹就之后痛。哎！我都唔知我到時點了！做媽媽真是辛苦！

白白豬00

點先可以令個傷口唔長肉芽呢？？？下個月就生了，如果要開刀既話真系好擔心呢個問題

聰明的傻囡

一直都想順產的，現在更堅定了順產的決心！不過現在恥骨痛，好像聽說如果恥骨痛得厲害導致恥骨聯合分離，就不能順產，希望我不會到那一步！！希望我能順順利利生下小寶寶！

lytzzl

睇完各位媽媽的意見，我一直都系堅持順產的，希望自己到時候可以做到啦！
哈哈，不過我超怕痛的，真系矛盾啊！